Paraizu Praia
Romeu Di Lurdis
Kantu ki mama ku papa traze-m pa mundu
N xinti Nhordés ta kore-m mo
N xinti txeru di téra
Téra di guentis dretu, abrasu rixu, mantenha txeu
Kel terinha tamánhu ki ta inspira tudu kriolu
Ah Praia Maria!
Paraizu Praia, Paraizu Praia
Paraizu Praia, é na bu ragás ki n ta xinti pas
Paraizu Praia, Paraizu Praia
Paraizu Praia, é un grandi amor ki n ten na petu
Oji n ben li pa n konvida-bu
Pa nu ba konxe un ilha mas sábi ki ten
Pedra perfumadu, téra abensuadu
É ninhu d'amor, Santiagu é sublimi
E simenti nos kultura é un flor amadu
Mininus sunhador, mudjeris di luta
Omis trabadjador intilijenti
Sidadi kenti, bu glória ten stória
Paraizu Praia, Paraizu Praia
Paraizu Praia, é na bu ragás ki n ta xinti pas
Paraizu Praia, Paraizu Praia
Paraizu Praia, é un grandi amor ki n ten na petu
Bu korta-m biku bu kria-m
Nha sidadi linda ki odja-m ta nase
Praia Maria é distinu di mundu
Speransa di nos povu, korason di nos país
Komunidadi nu djunta mo pa nu fazi futuru
Ministrus i prizidenti nu trabadja ku amor
Mas inpregu, siguransa, idukason i saudi
Pa tudu kaza i tudu familia ten si diginidadi
Juventudi nu skese géra, nos sidadi sta txoma-nu
Prinseza di mar, rainha di téra
Lar di tudu kabu-verdianu
Praia bo é grandi (Praia)
Kerida i mansa (Praia)
Dosi mai ta kria senpri más un fidju
Kaminhu é lonji (Praia)
Mas ka nu kansa (Praia)
Nu simia i nu rega nos gran di midju
Nha amor, nha sidadi (Paraizu Praia)
Nha dor i felisidadi (Paraizu Praia)
Nha amor, nha sidadi (Paraizu Praia)
Nha dor i felisidadi (Paraizu Praia)
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Romeu Di Lurdis e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: